SHARE

የወሎ ደሴ የስራ ቆይታዬን አጠናቅቄ አንድ እግሬን በነቀልኩበት ሰዓት አስጎብኚዎቼ አንድ የቀረኝ ቦታ እንዳለ ለማሳየት ወሰዱኝ፡፡

የሼህ መሀመድ አሚን ደጃፍ ስደርስ ያየሁትን ለማመን አልቻልኩም፡፡ ይህ በምስሉ ላይ እንደምትመለከቱት ላለፉት ሶስት አስርት አመታት ሼህ መሀመድ ለአላፊው

አግዳሚው ከተለያየ አቅጣጫ ለደከመው ለቸገረው ውሀ ለተጠማ በነፃ ውሀ ያጠጣሉ፡፡ ይሄ ነው እንግዲ አስሊ ወሎዬዎች መገለጫ ዝም ብሎ ወሎ ገራገሩ አልተባለም ፡፡

 

የወሎ ደግ ህዝብ ነው ደግነት ከዚህ በላይ በምንም አይገለፅም!!!፡፡፡

“ለሬሳ ማጠቢያ ውሀ ምን ማለት አይደለም?” ነው ያሉኝ፡፡

ይሄ ግን መሀል ከተማ ላለነው እኔና አንተ ጋር አይሰራም፡፡ ከኔ ቤት አከራይ ጀምሮ በቀን አንዴ ውሀ አስቀድታ የቧንቧው ጆሮ ላይ የጋን ቁልፍ ከምታንለጥለው ግፈኛ

ጀምሮ እኔና አንተ በየሆቴሉ በረንዳ ላይ ቁጭ ብለን ውሀ አጠጡኝ ብለው ሲለምኑ አንድ ብርጭቆ ውሀ ከሚነፍጉ ሆቴል ቤቶች ስናይ ላደግን አይሰራም፡፡

በዚህ አጋጣሚ እንደዚህ ውሀ የሚያጠጡ በርካታ ሰዎች እንዳሉ ተነግሮኛል ሼህ አሊ ወረሂመኑ ፣ሼህ ሰኢድ ሁሴን እና ሌሎች ብዙ አሉ ይሄ ብቻ ሳይሆን አሁን የጠፋው

ደግነት ፣ ተካፍሎ መብላት ፣አብሮነት በነባሮቹ የሀገሬው ሰው ዘንድ መኖሩን ላረጋግጥ ችያለሁ፡፡

በዚህ አጋጣሚም የሚዲያ ሰዎች ሂዱና ይሄንን ደግነት ለቀረው ህዝብ አሰሙ መሰረቱ ምን እንደሆነ መርምሩ፡፡

የደሴ ህዝብ ለነበረኝ ቆይታ ለሰጣችሁኝ ደግነት እንክብካቤ ከፍተኛ ምስጋና አቀርባለሁ በተለይ የሺ ድርሻና ጆኒ መቼም አልረሳችሁም፡፡

መልካም ቀን

ምንጭ ጌጡ ተመስገን